Friday, April 27, 2007

வறுத்த கோழி மிளகு போட்டு!

PEPPER CHICKEN-மிளகு போட்டு வறுத்த கோழி!


சிக்கனை வாங்கும் போதே மீடியம் சைஸ் துண்டுகளாக வெட்டி வாங்கிக்கொள்ளவும்.
boneless-ஆக இருந்தாலும் நனறாக இருக்கும். leg-pieces-மட்டும் 5-6 என்று பாகெட்டுகளில்
கிடைக்கும். அதுவும் மதி!

சோம்பு- 3 மேஜைக்கரண்டி
மிளகு - 6 மேஜைக்கரண்டி
அடுப்பில் கடாய் வைத்துக் காய்ந்ததும் மிளகு, சோம்பு இரண்டையும் ட்ரையாக வறுத்துக்கொண்டு மிக்ஸியில் பொடி செய்து பாட்டிலில் மாற்றி வைத்துக்கொள்ளவும்

சிக்கனை சுத்தம் செய்து ஒரு பாத்திரத்தில் போட்டு அதோடு 1-வெங்காயம், 1-தக்காளி,
1-ஸ்பூன் ஜீரகம், இஞ்சி-1துண்டு, பூண்டு-3 பல், கறிவேப்பிலை, கொத்தமல்லி சேர்த்து
தண்ணீர் விடாமல் குக்கரில் ஒரு சீட்டிக்கு வேகவிடவும்.

ஆறியதும் திறந்து சிக்கன் துண்டுகளை மட்டும் தனியாக எடுத்து வைத்துக்கொள்ளவும்.
பாத்திரத்தில் வடிந்திருக்கும் chicken essence-ஸில் சிறிது நீர் சேர்த்து சூடு பண்ணி உப்பு
மிளகு தூவி அருந்தினால்...super chicken soup!!!!அவ்வளவு சத்தும் அதில் தான்
இறங்கியிருக்கும்.

சூப் குடித்து தெம்பாகியாச்சா? இனி ஒரு பெரிய கடாயில் தேவையான அளவு நெய் ஊற்றிக்
காய்ந்ததும், சிக்கன் அளவைப்பொறுத்து , வறுத்து பொடித்து வைத்திருக்கும் சோம்பு மிளகுப்
பொடி,தேவையான அளவு உப்பு, கறிவேப்பிலை போட்டு அவை பொறிந்ததும் வேகவைத்த
சிக்கன் துண்டுகளைப் போட்டு புரட்டிக்கொண்டேயிருக்கவும். தேவையானால் நெய்,,மிளகுப்
பொடி சேர்த்துகொள்ளலாம். பொடி சிக்கன் மேல் கோட் ஆகும் வரை புரட்டவும்.

நன்றாக சிவக்க வறுபட்டதும் பரிமாறும் பாத்திரத்துக்கு மாற்றி, பொறித்த வெங்காயம்,
எலுமிச்சை துண்டுகள், கொத்தமல்லி தூவி பறிமாறலாம். ஆனால் டேபிளுக்கு கொண்டு
போகும் வழியிலேயே கா...லி யாகிவிடும்.

இறுதியாக... முக்கியமான இரண்டு வாக்கியங்கள் சேர்க்காவிட்டால் முத்தாய்ப்பாக இருக்காது.

"இதைப் பெரியவர்களும் குழந்தைகளும் விரும்பிச்சாப்பிடுவார்கள்!"
பாவம் நடுத்தரவயதுக்காரர்கள்!!!!
"சுருளக்கிண்டி ஆறவைத்து பாட்டிலில் போட்டு ப்ரிட்ஜில் வைத்தால் ஒரு மாதம் வரை
கெடாது!"
அப்போ..? சாப்பிடவேண்டாமா?

7 comments:

Anonymous said...

Varutha veda kozhi picture podama. Eppadi azhagana kozhi kunchu picture podu moda (sapida vedama) mathiteengaley

said...

அனானி!
இப்போ வறுத்தகோழி குஞ்சாக இருக்க சொல்லோ புடிச்ச படம்!!
மூடு மாறாமல் சாப்பிடவும்.
நன்றி!

Anonymous said...

Tried this recipe in an American neighborhood party. There is a huge American rasikar mandram for this dish now.

Namma oor madhiri koil katra concept therinjaa, inga ungalukku oru koil ippa irundhirukum :)

-RL

Anonymous said...

Tried this recipe in an American neighborhood party. There is a huge American rasikar mandram for this dish now.

Namma oor madhiri koil katra concept therinjaa, inga ungalukku oru koil ippa irundhirukum :)

-RL

said...

நானும் st.louis மற்றும் sunnyvale-லிலும் செய்து அசத்தியிருகிறேன்!
செய்து,தின்று பார்த்து தீர்ப்பு சொன்னதுக்கு மகிழ்ச்சி! அனானி ஆர்.எல்.!

said...

padam mattum uthaikuthu..

said...

கையிலிருந்த படம் இதுதாங்க. தூயா!
இந்த குஞ்சு பெரிசாகச் சொல்லோ வறுத்ததுன்னு வெச்சுக்கோங்களேன்.
இனி உதைக்காத படாமாப் போடுறேன்.
சேரி......செஞ்சு பாத்தீங்களா? அதைஷ் ஷொல்லவேயில்லையே!!!